الأحد، 7 فبراير 2010

لأم الجوري أدون

بداية من حيث لا بداية لا ادري هل اتحدث بالعامية أم بالفصحى الغالية على قلبي ، لكن بما أني كتبت هذه التدوينة لصديقتي (هنو) سأكتبها بالعامية من باب انه نموووون على بعض والبساط أحمدي <<<< سمعتي يا هنو البسااااط أحمدي ! يعني مافيش كلافه ولا شيء بس سوالف فضفضه، تذكرين أشتكيت لك من الطفش ،قلتِ لي دوني، وأنتِ ما تدرين إذا النفسية متأزمة يصير صعب ندون ومعاد نلقى فكرة ولا حتى وقت طبعاً مافي وقت من كثرة الطفش تحسين الطفش من كل مكان لدرجة مافي مجال حتى تمدين يدك لأعلى في سبيل أنك تحرك الدم فيها لحسن الطفش جمد الدم بعروقنا .. تدرين ايش البلا يا هنو ؟ إني شكيت لك من الطفش لقيتك أطفش مني وكالعادة أشكيلك فتبكي لي ، أو العكس !
أقولك مالك وباسل تقولي لي ناصر وجوري يااااربية اروح منك فين وطبعاً ازيد الحالة أبداع لما أقول يامن وهتلك تشكي انتِ من جهة وأنا من جهة ومع كل هذي الزحمة لسه نقول طفش ! تهقين ليش نطفش ؟
أنا أقول لك ليش عشان ما نسوق تدرين لو نسوق سيارات وقتها ثلاث ارباع الطفش بيروح ، خليني بتخيل لو الآن في مجال امرك ونروح أقرب كوفي نشرب قهوة ونسولف ومن بعدها ارجعك البيت وارجع ... يالله هذا لوحده كفيل يسعدني لأسبوع متواصل ماني طماعة ابد بس عندي شك انه لو أمرك تروحين معي ماراح تطلعين وراح تطلعين مية حجة ! اعرفك أنا مو توني أقول لك أمشي نروح الحرم الصبح تحججتي لي بالنوم والعيال وماادري شو لو تبين وعندك عزم قلتي تم .. يا بنت طاوعيني كل ما جبت لك عرض ترى أنا فله بس ادور احد يفلها معاي وتصير بدال الفله فلتين وارضيتين كمان هههه
ومن هنا ومن هذي المدونة اللي قلبتها اليوم جلسة شاهي ومكسرات ولا إذا تحبين شاهي وكراث هههههههه المهم من هنا احرضك وادعوكِ وأرجووووووووكِ نغير استايلنا مو في الشكل بسم الله علينا أستايلنا ولا أحلى بس قصدي استايل خرجاتنا ولقائتنا نخليها سنة فله وناسة
بمعنى محل ما تروحين قولي لي <<< نشبه ومتى ما حبيتي تسوين لي سفرة طويلة عرضة من كل ما لذ وطااااب أنا جاهزة !! والله يحيكِ عندي على كاسة موية في أي وقت ليل نهار عصر دا العمر يمشي واحنا ما نشوف بعض الا على الماسن الكئييييييييييييب ..
وهذي التدوينة مغلفة بأحلى تغليف وفوقها وردة حمرا لعيووونك .

ذِكر

سبحان الله وبحمده
سبحان الله العظيم ..