الثلاثاء، 16 مارس، 2010

تصويت !

هذي التدوينة تصويت عن سياقة المرأة للسيارة ،وهو نتيجة للتدوينة السابقة ، فضولاً مني لأعرف أسباب التأييد وأسباب الرفض ، وطبعاً مناقشة الموضوع ..

بسم الله ..

1_هل أنت/تِ مع سياقة المرأة للسيارة ؟ولماذا ؟

2_ هل أنت/تِ ضد سياقة المررأة للسيارة ؟ولماذا؟

ـــــــــــــــــــــــــــــــــــــــــــــــــــ

ادري الموضوع مستهلك وكمان التصويت بس حابه اناقش الموضوع بما أن وجهة نظري تغيرت بشوف ممكن أغير وجهة نظر أحد معاي بعد ما اناقشه <<< واثقة *_^

بإنتظار قطراتكم الندية على سيارتي القادمة ،، أختكم المتفائلة نبيـــــــــــــــــــــــــلة ،.

هناك 5 تعليقات:

غير معرف يقول...

السلام عليكم ورحمة الله,,
كيفك يابلبل؟
بصراحه الموضوع حلو مرة...
لكن....
صعب اصوت ,لان لو احط نعم لازم يكون بضوابط خاصة..خاصة ان المرأةاصبحت عاملة الان في مجتمعنا وصار ضرورة سواقتها..
كذلك الشرع ماحرم سواقتها.

واحط لا بسبب عقلية المجتمع لازم تتغير ويتقبل الفكرةهذا اولا.
ثانيا الزحمة اللي راح يسببوها في الشوارع غير المشاكل.
ثالثا خرجاتهم اللي مالها داعي الحين تلاقينهم كل يوم طالعين وهم مايسوقوالسه لسبب ومن غير سبب فتخيلي كيف حتكون طلعتهم وكم وهم بسياراتهم. "طول اليوم براوما ترجع الا بالليل هههههه ياحليل الرجال"
.
.
.
وبصراحه الله يختار لنا الخير.
huda

غير معرف يقول...

السلام عليكم ورحمة الله وبركاته
والصلاة والسلام علاى اشرف الانبياء سيدنامحمد صلى الله عليه وسلم
احب اصوووووووت بمع السواقه للنساء لان المراءه كل شئ سوتهافي بلدنا واثبتت جدارتهاحتى في خارج السعوديه يعنى ماراح تقدر على السواقه واذا كان عن الفتنه فالفتنه من زمن الانبياءوالخير ايضا بس كل شئ بحدود وقيود لابد الالتزام بهاوالشئ هذا ماهو محرم بل المحرم هوالركوب مع السواق بلا محرم بس الحاجه حواجه بس المشكله الخيانه من السواقين الان واكيد سمعتوا قصص من الجرائم الذى حدثت في الاونه الاخيره واذا الزحام فانها منالعماله السواقين الى ماليه البلد وغارقينه بمصايبهم فتخيلي اذا سمحوا بسواقه انت الي تودين عيالك بدل السواق وتلعبينهم بدل السواق واذا كنت عامله فاكيد سيكون هناك سواقات سعوديات حنونات يحرص اكثر من الرجال وبتالي فتحتي مجال للوظائف للنساء
ياعزيزتي المراءه عندها قوة تحمل اضعاف الرجل طبعا ماهو بالعضلات بل تحمل الامور والصبر وهذا شئ واضح بس هم عارفين عشان كذا واقفين بالمرصادخوفا من التفوق عليهم اكثر من كذا
وكما نعرف فالرجل العربي وخاصة السعودي لايحب المراءه تتفوق عليه وخاصة بالمال والعلم
لا احب ان اكثر ولكن الله المستعان ويكتب لنا ما هو خيرلنا والصالح فيه
تحياتي لك
هنو

ندى الورد يقول...

اممم معاد صار تصويت صار مناقشة عادية بما ان المصوتين مضربين :(


اتفق معاكِ هدى على ضرورة تغيير الانظمة والعقوبات والتشديد على العقوبات وزيادة الأمن قبل كل شيء ، من بعد مقطع الباص حق البنات اللي بجامعة الملك سعود عرفت قد ايه لازم تتغير الانظمة وتتحرك الشرطة بسرعة اكبر وتكون العقوبات تشمل الامن اللي نايم وعلى مخالفي الانظمة .. ويكون عقاب بالعلن حتى يخاف من تسول له نفسه .. اذا باص وعز الظهر آذوه اجل لو بنت لوحدها ايش يسوون << الصراحة الشباب صايرين يخفون كل مره اكثر !!
وبعدين تعالي مين قال خرجاتنا مالها داعي هههههه عموماً حتى ومالها داعي غصب عنهم يودونا بس لازم نصف سرا :D

شكراً هدى ممنونتك على المرور والتصويت :)

ندى الورد يقول...

اهلا هنو ،،

يعجبني اللي ( مع ) وبقووووة

آآه ليت تفكير المجتمع يتغير بين يوم وليلة ويرتقي حتى يشوف المرأة إنسان عادي وله حق يمارس حياته من غير ما يتعرض للأذى او حتى الخوف .. لا احنا سالمين من سواقين ولا من سواقة المرأة وحدها ..

في حال انسمح بسياقة السيارة لازم نتعلم كارتيه الدفاع عن النفس !
ومانخرج الا بجهاز الكهرباء اللي كثير يستخدمونه النساء في الغرب حتى تحمي نفسها من اي احد يحاول يعتدي عليها ..
والأمن وماادراك ماالأمن هو بكبره يخوف من ناحية ممكن يكون هو الحرامي وتصير كثيييير ومن ناحية التكاسل في الاستجابة لأي نداء والتأخر حتى يكون فات الأوان ..

عشان كذا لام الأمن بكبرة يطور وقتها نقول في امل نسوق براحة .

شكراً هنووو على التصويت والمع الكبيرة اللي طالعة من قلب :)

غير معرف يقول...

السلام عليكم ورحمة الله وبركاته
عزيزتي هذا الموضوع اختلفت فيه الآراء بين مؤيد ومعارض..
فعلا أختي لقد تغير الزمن وأصبح مخيفا مليئا بالذئاب السعرانة..
لاننكر بأن لقيادة السيارةفائدة عظيمة وبالذات لو كانت المرأةأرملة أو مطلقةولاعائل لأولادها إلا هي ولكن هناك ضرر أقل من ضرر أي ضرر عدم قيادتها أخف بكثير من خروجها للشارع تقود سيارتها والله وحده أعلم ماقد تواجه وتتعرض له من مشاكل هي في غنى عنها..
أشكرك غاليتي على طرح الموضوع الذي جعلني أفكر مليا..
دمتي بحفظ الله..

ذِكر

سبحان الله وبحمده
سبحان الله العظيم ..